കഴകം
കാക്കകൾ പരസ്പരം കൊത്തു കൂടി കെട്ടിക്കിടന്ന വെള്ളത്തിൽ കുളിക്കവേ
ശീഘ്രമൊരു മരണ വാർത്ത കേൾക്കുമെന്ന്
ശങ്കയൊട്ടുമില്ലാതെ ചൊല്ലിയമ്മൂമ്മ
ചെവിതല പൊട്ടുമാ മുരൾച്ചയോടെ
ചീറിപ്പാഞ്ഞുവന്നോരു ആംബുലൻസ്
കിഴക്കേപ്പാടത്തെ നാരായണിയുടെ, കിഴക്കമ്പലത്തിലെ കഴകക്കാരിയുടെ വീട്ടിൽ
ആരുമേ അവിടെ പോയില്ല
ആരാരുമൊന്നുമറിഞ്ഞില്ല
മരിച്ചിട്ട് ദിനങ്ങളേറെയായി
മണം വന്നു തുടങ്ങിയവിടെ നിന്നും
കഴകം, കഴുകിത്തുടച്ചാ വിളക്കുകളൊക്കെയും
കാലങ്ങളോളം ഒരു മനുഷ്യായസ്സോളം
വൈറസു കാരണം കഴകവും വേണ്ടാതായി
വയറിൽ ഒഴിക്കുന്ന കഞ്ഞിയും കുറച്ചു
സാമൂഹിക അകലം നാട്ടുകാരും വച്ചു
സാമൂഹിക സാമ്പത്തിക അകലം ഭഗവാനും വച്ചു
കഴുകി തുടച്ച കഴക കൈകൾക്കൊരു നേരം
കഞ്ഞി കൊടുത്തില്ലൊരും ഭഗവാനും…
ഇടനിലക്കാരുടെ വിഷമമറിയാത്തൊരു ഭഗവാൻ
ഇഹലോക വിഷമം പരിഹരിക്കുവതെങ്ങനെ?
About Author
Unlock Your Imagination: Start Generating Stories Now! Generate Stories
Get all the Latest Online Malayalam Novels, Stories, Poems and Book Reviews at Aksharathalukal. You can also read all the Latest Stories in Malayalam by following us on Twitter and Facebook
പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം
©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission