നീയെന്താണ് കാണിച്ചത് ഗുപ്താ …
മോതിരമാറ്റമൊക്കെ കുട്ടികളിയാണോ ,
കുട്ടികളിയാണെന്ന് ഞാൻ പറഞ്ഞോ
നീയാ മോതിരം ആർച്ചയുടെ കൈയ്യിൽ നിന്നും ഊരിയെടുത്തോ ,അവൾക്ക് വേറെ മോതിരം ഞാൻ വാങ്ങി കൊടുത്തോളാം
ആൻറി തമാശ പറയുകയാണോ ഈ മോതിരം ഇട്ടിട്ട് അപ്പോൾ തന്നെ ഊരിയെടുത്ത് കൊണ്ടുവാനല്ല ഞാൻ വന്നത്
നിന്റെ കളിയൊന്നും ഇവിടെ വേണ്ടാ ,ആർച്ചയുടെ ഡാഡി ഇപ്പോൾ വരും ,ദേവേട്ടൻ നിന്നെ കണ്ടാൽ പിന്നെ എന്താ ഉണ്ടാവുകയെന്ന് പറയാൻ പറ്റില്ല
ഒന്നും ഉണ്ടാവില്ല
അങ്കിൾ എന്നായാലും അറിയേണ്ടതല്ലേ ,
ആർച്ചക്ക് മോതിരം ഊരി വലിച്ചെറിയണമെന്നുണ്ട് പക്ഷേ ഗുപ്തന്റ അടിയുടെ വേദന ഓർത്തപ്പോൾ അതു വേണ്ടാ എന്നു വച്ചു
എന്നാ ശരി ഞാനിറങ്ങുകയാണ് ,മോതിരം ഇട്ടു കഴിഞ്ഞല്ലോ ഇനിയിപ്പോ ഇവിടെ നിൽക്കേണ്ട ആവശ്യമില്ല
അവൻ പറഞ്ഞത് കേട്ടപ്പോൾ അമ്മക്കും മകൾക്കും സമാധാമായി
ഗുപ്പതൽ ആർച്ചയുടെ അടുത്തേക്ക് വന്നു
നിനക്ക് പറഞ്ഞതൊക്കെ ഓർമ്മയുണ്ടല്ലോ
ഈ മോതിരമെങ്ങാനും നിന്റെ കൈയ്യിൽ നിന്നും ഊരിയാലുണ്ടല്ലോ ….
മോളെ .. ആർച്ചേ നിനക്ക് തല്ലിന്റെ പൊടിപൂരമായിരിക്കും
ഇതൊന്ന് ഓർമ്മ വച്ചോ
പിന്നെ ഒരു കാര്യം കൂടി നിന്റെ വേഷം ,ഇത് ഇനി നിനക്ക് വേണ്ടാ വല്ല ചുരിദാറോ സാരിയോ അതുമതി കേട്ടല്ലോ
അതു കേട്ടപ്പോൾ അവന്റെ തലക്ക് ഒരടി കൊടുക്കാനാണ് തോന്നിയത്
നിനക്കെന്നെ തല്ലണമെന്ന് തോന്നുന്നുണ്ടോ ,അങ്ങനെ തോന്നുന്നുണ്ടെങ്കിൽ അത് മനസ്സിൽ വച്ചാൽ മതി,
ഒരു വീട്ടിൽ രണ്ടു തല്ലു ക്കാര് വേണ്ട
എന്നു കൂടി പറഞ്ഞിട്ടാണ് ഗുപ്തൻ പോയത്
*
മാഷേ …..
വിളി കേട്ട് മാഷ് മുൻവശത്തേക്ക് വന്നു
മുറ്റത്ത് നിൽക്കുന്നവരെ കണ്ട് മാഷ് സന്തോഷത്തോടെ ഭാര്യയെ വിളിച്ചു
ലക്ഷ്മി ….ആരാ വന്നിരിക്കുന്നതെന്ന് നോക്ക്യേ…
വരുണും ശരത്തും അത്
ഇതെന്താ മക്കളെ നിങ്ങൾ അവിടെ തന്നെ നിന്നത് വായോ അകത്തേക്ക് വാ ..
മാഷ് രണ്ടു പേരെയും അകത്തേക്ക് കൂട്ടികൊണ്ട് പോയി
അപ്പോഴെക്കും ലക്ഷ്മി വന്നു
ഇതെന്താ രണ്ടു പേരും കൂടി ഒന്നു വിളിക്ക പോലും ചെയ്യാതെ
ഞങ്ങൾക്കിവിടെക്ക് വരണമെങ്കിൽ വിളിച്ച് പറയണോ അമ്മേ ….
ഇതിപ്പോ ഞങ്ങളുടെ കൂടി വീടല്ലേ ….
അമ്മ അങ്ങനെ യൊന്നും വിചാരിച്ച് പറഞ്ഞതല്ല ,വിളിച്ച് പറഞ്ഞിരുന്നെങ്കിൽ അമ്മ നിങ്ങൾക്കിഷ്ടമുള്ളതൊക്കെ ഉണ്ടാക്കി വച്ചേനേ
അങ്ങനെ ഒന്നും വേണ്ടാ ,ഇവിടെ എന്താ ഉള്ളത് അത് ഞങ്ങൾക്ക് മതി, അമ്മ എന്താ ഉള്ളത് എന്ന് വച്ചാൽ ഇങ്ങട്ട് എടുത്തിട്ട് വയോ
വരുൺ പറഞ്ഞു
ഒന്നു മിണ്ടാതെയിരിക്ക് വരുണേ വന്ന കാര്യം പറഞ്ഞിട്ട് പോകാം ,എനിക്ക് തിരിച്ച് ബാങ്കിലേക്ക് പോകണം
എന്താ മോനെ എന്താ നിങ്ങൾക്ക് പറയാനുള്ളത്
മാഷ് ചോദിച്ചു
അച്ഛാ …. വരുണിന് നിങ്ങളോട് രണ്ടു പേരോടായി കുറച്ച് കാര്യങ്ങൾ പറയാനുണ്ട്
എന്താ മോനെ എന്തു കാര്യമായലും ഞങ്ങളോട് പറയാം
അച്ഛാ … അത് വേറൊന്നുമല്ല ഗംഗയുടെ പഠിപ്പിനെ കുറിച്ചാണ്, ഇനി ഗംഗയെ ഞാൻ പഠിപ്പിച്ചോളാം അത് മാത്രമല്ല ഗംഗയുടെ എല്ലാ കാര്യങ്ങളും ഞാൻ നോക്കി കൊളളാം
അതൊ ന്നും വേണ്ട മോനെ അത് ഞങ്ങളുടെ കടമയാണ് ,അതായത് മക്കളെ പഠിപ്പിക്കുക അവർക്ക് നല്ലൊരു ജീവിതം കണ്ടെത്തി കൊടുക്കുെക ഇതൊക്കെ ഞങ്ങൾ ചെയ്യണ്ടതാണ്
വരുൺ മാഷിന്റെ അടുത്ത് ചെന്ന് മാഷിന്റ കൈകൾ കൂട്ടിപ്പിടിച്ചു
അച്ഛാ … ഈ കാര്യത്തിന് എതിര് പറയരുത്,ഒരു താലി ഇല്ലെന്നുള്ളു മനസ്സ് കൊണ്ട് ഗംഗ എന്റെ ഭാര്യയാണ് ,അതു കൊണ്ട് അവളുടെ കാര്യങ്ങൾ ഞാൻ നോക്കി കൊള്ളാം
മോനെ അത് …
അച്ഛനിനി ഒന്നും പറയണ്ട ഇനി കാര്യങ്ങളൊക്കെ ഞങ്ങള് നോക്കി കൊള്ളാം ഈ രണ്ടാൺ മക്കള് നോക്കും
വരുണിന്റെ വാക്കുകൾ കേട്ടപ്പോൾ ലക്ഷ്മിയുടെ കണ്ണു നിറഞ്ഞു
മാഷിന് വരുണി നോട് എതിര് പറയാൻ തോന്നിയില്ല
അമ്മേ …. ഇനി അമ്മയുടെ കൈ കൊണ്ട് എന്തെങ്കിലും കഴിക്കാട്ടോ ,അതിനു മുമ്പ് ഒരാളു കൂടി വരാനുണ്ട്
ലക്ഷ്മി അടുക്കളയിലേക്ക് പോയി
അതാരാ മോനെ ആ ഒരാൾ
അച്ഛനറിയും ….
വരുൺ ഫോണെടുത്ത് ആരെയോ വിളിച്ചു
കുറച്ച് കഴിഞ്ഞ് വീട്ടിലേക്ക് ഒരാൾ കയറി വന്നു
ഗുപ്തനായിരുന്നു
ശരത്ത് പോയി ഗുപ്തനെ അകത്തേക്ക് കൂട്ടികൊണ്ടു വന്നു
അച്ഛാ ….. ഇതാണ് ഞങ്ങൾ പറഞ്ഞ ആള്
മാഷ് ഒന്നേ നോക്കിയുള്ളൂ ഗുപ്തനെ
ഗുപ്താ … മോനെ
മാഷ് ഓടി വന്ന് ഗുപ്തനെ കെട്ടിപ്പിടിച്ചു
എന്നാലും നീ മാഷിനെ തേടിപ്പിടിച്ച് കണാൻ വന്നല്ലോ
സന്തോഷം കൊണ്ട് മാഷിന്റെ ശബ്ദം ഇടറി യി രു ന്നു
ഗുപ്തന്റ കണ്ണുകളും നിറഞ്ഞിരുന്നു
നീയിപ്പോ നാട്ടിലില്ലേ ,പുറത്താണോ ,ഇവരെ നിനക്കെങ്ങനെ അറിയാം ,എങ്ങനെയാണ് ഇവരുമായി പരിചയം
മാഷെ അത് … ഞാൻ മാഷ് വിചാരിക്കുന്നത് പൊലെ ഒരാളായില്ല ,മാഷ് സ്വപ്നത്തിൽ പോലും വിചാരിക്കാത്ത ആളായി
നീയെന്തൊക്കെയാണ് ഗുപ്താ പറയുന്നത്
എനിക്കൊന്നും മനസ്സിലാവുന്നില്ല
അച്ഛാ അത് ഒരു വലിയ കഥയാണ്
എന്ത് കഥ അതെനിക്കറിയണം പിന്നെ ഇവനാരായി എന്നറിയണം
അച്ഛാ പറയാം
ശരത്തും വരുണും കൂടി മാഷിനോട് എല്ലാ കാര്യങ്ങളും പറഞ്ഞു
മാഷിനെ കാണാൻ നല്ല ആഗ്രഹമുണ്ടായിരുന്നു ഗുപ്ത ന് ,പക്ഷെ മാഷിനെ കണാൻ വരാൻ ഒരു ഭയം ഉണ്ടായിരുന്നു ,ഞങ്ങള് നിർബന്ധിച്ചാണ് കൊണ്ടുവന്നത്
എല്ലാം കേട്ടിട്ട് മാഷ് തലക്ക് കൈ കൊടുത്തിരുന്നു പോയി
എന്തൊക്കെ യാണ് ദേവി കേൾക്കുന്നത് ,എന്റെ മോളെ കൊല്ലാൻ ക്വാട്ടേഷൻ കൊടുക്കുക അതും ഞാൻ മകനെ പോലെ കണ്ട ഗുപ്തന്റെ അടുത്ത്
മാഷേ …. അതൊന്നും മാഷിനി ഓർക്കണ്ടാ ,അതൊക്കെ കഴിഞ്ഞ കഥകൾ അല്ലേ
എന്നാലും ഗുപ്താ നീ .. എങ്ങനെ ഇങ്ങനെ ആയി .. നീ ഒരു നല്ല നിലയിൽ എത്തിയിട്ടുണ്ടാവുമെന്ന് ഞാൻ കരുതിയിരുന്നത് ,ഈ ചെളി കുഴിയിലേക്ക് വീഴുന്നതിന് മുമ്പ് എന്നെ ഒന്ന് ഓർത്തില്ലല്ലോ നീ …
നീ ഒരാൺ കുട്ടിയല്ലേ എന്നെ തേടി വരാമായിരുന്നില്ലേ …
പറ്റിപ്പോയി മാഷേ …,
ഇപ്പോ അതൊക്കെ ഓർക്കുമ്പോൾ കുറ്റബോധം ഉണ്ട് ,പതുക്കെ ഇതിൽ നിന്നൊക്കെ മാറണം മാറും മാഷേ ,ഇപ്പോ ആരൊക്കെ യുള്ള പോലെ തോന്നുന്നു ജീവിക്കണമെന്നൊരാശയും
മതി മോനെ ഈ ചിന്ത മാത്രം മതി നിനക്ക് ഇതിൽ നിന്നും കരകയറാൻ ഒക്കെ ശരിയാവും
മാഷ് ഒന്നും കൊണ്ട് വിഷമിക്കണ്ടാട്ടോ ഗൗരിയുടെ കാര്യമോർത്ത് ഇനി ഗൗരിയുടെ ഏട്ടന്റെ സ്ഥാനത്ത് ഞാനുണ്ടാവും ഏതാപത്തിൽ നിന്നും അവളെ രക്ഷിക്കാൻ കഴിവുള്ള ഒരേട്ടൻ
ആർച്ചയെയും അമ്മയെയും കൊണ്ട് ഇനി ആർക്കും ഒരു ശല്യമുണ്ടാവില്ല
*
മമ്മീ …
എന്താ ആർച്ചേ നിനക്കെന്താ
ദേ നോക്ക്
ആർച്ച ഫോൺ സുധയുടെ നേർക്ക് കാണിച്ചു
എന്താത്
അവിടെ കല്യാണത്തിന്റെ ഡേറ്റ് ഫിക്സ് ചെയ്തു, അടുത്ത മാസം പതിനഞ്ചാം തിയ്യതി
എങ്ങനെ നീ അറിഞ്ഞൂ
മമ്മീ .. ആ വരുൺ നമ്മുടെ ഫാമിലി ഗ്രൂപ്പിൽ ഇട്ടിട്ടുണ്ട് ,ഇന്നാണ് ഗൗരിയുടെ വീട്ടുക്കാർ ശരത്തിന്റെ വീട്ടിലേക്ക് വന്നത് ,ആരും നമ്മളോട് പറഞ്ഞില്ല
നിന്റെ ഡാഡി അറിഞ്ഞിട്ടുണ്ടാവും മനപൂർവ്വം പറയാതിരുന്നതാണ്
എന്തായാലും എല്ലാം കഴിഞ്ഞു ,മമ്മിയുടെ വാക്ക് വിശ്വസിച്ച ഞാൻ വിഡ്ഢിയായി
ആർച്ചേ നീ മിണ്ടാതിരിക്ക് ഡേറ്റ് അല്ലേ ഫിക്സ് ചെയ്തിട്ടുള്ളു കല്യാണം നടന്നിട്ടില്ലല്ലോ
ഉവ്വ് … കല്യാണം നടന്നാലും മമ്മി ഇങ്ങനെ തന്നെ പറയും
അരിശത്തോടെ ആർച്ച റൂമിലേക്ക് പോയി
റൂമിലെത്തി കിടന്നു ആർച്ച
ശരത്തിന്റെ കല്യാണം … തന്റെ സ്ഥാനത്ത് ഗൗരി
താനെത്ര ആശിച്ചതാണ്
ആർച്ച ശരത്തിന്റെ മുഖം മനസ്സിലോർത്തു
പക്ഷേ ഗുപ്തന്റെ മുഖമാണ് മനസ്സിൽ തെളിഞ്ഞത്
ശ്ശേ ഗുണ്ടാ .. ഇവനെയെന്തിനാണ് താൻ ഓർക്കുന്നത്
ഓർക്കാൻ പറ്റിയ മുഖം
ആർച്ച മെറിനെ വിളിച്ചു
നമ്മുക്കൊന്ന് പുറത്ത് പോകാം ,നിന്നോട് എനിക്ക് സംസാരിക്കണം
നീ പറഞ്ഞോ ആർച്ചേ
ഫോണിൽ പറഞ്ഞാൽ പറ്റില്ല ,നിന്നെ കണ്ട് എനിക്ക് പറയണം
ശരി
ആർച്ച ചെല്ലുമ്പോൾ മെറിൻ അവളെ കാത്ത് ആർച്ച പറഞ്ഞ സ്ഥലത്ത് നിൽ ക്കുന്നുണ്ടായിരുന്നു
നീ വന്നിട്ട് ഒത്തിരി നേരമായോ
ഇല്ല ഇപ്പോ വന്നുള്ളൂ
നീ കയറ് നമ്മുക്ക് വേറെ എവിടെയെങ്കിലും പോയി സംസാരിക്കാം
അപ്പോഴാണ് ആർച്ചയുടെ ഫോൺ റിംഗ് ചെയ്തത്
ഒരു നമ്പർ ആയിരുന്നു
ഹലോ
ഞാനാണ് ഗുപ്തൻ
എന്താ .. താനെന്തിനാ എന്നെ വിളിക്കുന്നത്
ഞാൻ കെട്ടാൻ പോകുന്ന പെണ്ണിനെ ഞാനല്ലാതെ പിന്നെ ആരാ വിളിക്കണ്ടത്
നീ പോടാ …
ദേ ഞാനങ്ങോട്ട് വന്നാൽ നല്ല പെട വച്ചു തരും ,നീ നേരെ ഒന്നു തിരിഞ്ഞ് ഇങ്ങോട്ട് നോക്കിയെ ഞാനിവിടെ തന്നെയുണ്ട്
ആർച്ച നോക്കിയപ്പോൾ കണ്ടു ഒപ്പോസിറ്റുള്ള റെസ്റ്റോറന്റിന്റെ മുൻപിൽ ‘ഗുപ്തൻ നിൽക്കുന്നുണ്ടായിരുന്നു
നീ യൊരു കാര്യം ചെയ്യ് നേരെ ഇവിടെ ക്ക് വായോ
എന്തിന്
നിന്നോട് പറഞ്ഞത് കേട്ടോ, ആൾക്കാരുണ്ട് റോഡാണ് എന്നൊന്നും ഞാൻ നോക്കില്ല കാറിൽ നിന്നും വലിച്ചിറക്കി നല്ലത് തരും ഞാൻ ..അത് വേണോ
പറഞ്ഞാൽ പറഞ്ഞപ്പോലെ ചെയ്യുമെന്ന് ആർച്ചക്കറിയാം
ഞാൻ വരാം
ആർച്ച കാറിൽ നിന്നും ഇറങ്ങി
നീയെന്തിനാ ഇറങ്ങുന്നത് ,നമ്മള് പോവല്ലേ
നീയിവിടെ നിൽക്ക് ഞാനിപ്പോ വരാം
ആർച്ച ഗുപ്തന്റെ അടുത്തേക്ക് ചെന്നു
വായോ ഒരു ഐസ് ക്രീം കഴിക്കാം
എനിക്ക് വേണ്ട
ഗുപ്തൻ ആർച്ചയെ ഒന്നു നോക്കി
നോട്ടത്തിന്റെ അർത്ഥം ആർച്ചക്ക് മനസ്സിലായി
ആർച്ച അവന്റെ കൂടെ ചെന്നു
ഗുപ്തൻ ഐസ് ക്രീം ഓർഡർ ചെയ്തു
ശരത്തിന്റെ കല്യാണം ഡേറ്റ് ഫിക്സ് ചെയ്തു നീയറിഞ്ഞോ
അറിഞ്ഞു
നിനക്ക് അവനെ ഇഷ്ടമായിരുന്നല്ലേ ,വിവാഹം കഴിക്കാൻ ആഗ്രഹവും ഉണ്ടായിരുന്നു, നിന്നെ അവനെ കൊണ്ട് കെട്ടിക്കാനാണ് നിന്റെ അമ്മ ഒരോ പൊട്ടത്തരങ്ങൾ ചെയ്യുന്നത് അല്ലേ
അതേ
ഞാനിതൊക്കെ നിന്നോട് പറയുന്നതെന്തിനാണെന്നറിയോ
ഇല്ല ,എനിക്കങ്ങനെ അറിയാം നിങ്ങൾ എന്താ മനസ്സിൽ കരുതുന്നതെന്ന്
പറയാം .
നീ ശരത്തിനെ മറക്കണം
ശരത്തിനെ മറക്കാനോ
അതു പറയാൻ താനാരാ ,ഞാൻ ആരെ ഇഷ്ടപ്പെടണം ഇഷ്ടപ്പെടണ്ട എന്ന് നിശ്ചയിക്കുന്നത് ഞാനാണ് താനല്ല
പക്ഷേ ഞാൻ വിവാഹം കഴിക്കാൻ പോകുന്ന പെൺകുട്ടി മറ്റൊരാളെ ഇഷ്ടപ്പെടുന്നതും മനസ്സിൽ കൊണ്ടു നടക്കുന്നതും എനിക്കിഷ്ടമല്ല
ആർച്ച ഗുപ്തനെ രൂക്ഷമായി നോക്കി
നീ നോക്കി പേടിപ്പിണ്ടാ, ഞാൻ പറഞ്ഞതിൽ എന്താ തെറ്റ് ,ശരത്തിനെ നീ മറക്കണം ,നീ എന്തിനാ അവനെ ഇനി ഓർക്കുന്നത്
അതൊക്കെ എന്റെ പേർസണൽ കാര്യങ്ങളാണ് ,താനതിൽ ഇടപ്പെടണ്ട
ഞാൻ ഇടപ്പെടും അതിനുള്ള അവകാശം എനിക്കുണ്ട്
എന്തവകാശം
ആ കൈയ്യിൽ കിടക്കുന്ന മോതിരം ഇട്ടത് ഞാനാണ്
ആർച്ച വിരലിലെ മോതിരത്തിലേക്ക് ഒന്നു നോക്കി
നീയൊരു കാര്യം മനസ്സിലാക്കണം പിടിച്ചു വാണ്ടേണ്ടതല്ല സ്നേഹം അത് അറിഞ്ഞു നൽകേണ്ടതാണ് ,അങ്ങനെ അറിഞ്ഞു സ്നേഹം കിട്ടാനായിട്ട് ഒരു ഭാഗ്യം വേണം ,ഇത് മനസ്സിലാക്കാതെ യാണ് താൻ ശരത്തിന്റെ പിന്നാലെ നടക്കുന്നത്
കഴിഞ്ഞോ ക്ലാസ്സ് കഴിഞ്ഞെങ്കിൽ എനിക്ക് പോകാമായിരുന്നു
എവിടെക്ക്
നീ എവിടെക്കും പോകുന്നില്ല ,ഐസ്ക്രീo പറഞ്ഞിട്ടുണ്ട് അത് കഴിച്ചിട്ട് പോയാൽ മതി
വെറുതെ എന്റെ കൈ ക്ക് പണി യുണ്ടാക്കണ്ടാ
ആർച്ചക്ക് അവനെ ധിക്കരിച്ച് അവിടെ നിന്നും ഏണിറ്റു പോകണമെന്നുണ്ടായിരുന്നു, പക്ഷേ എന്തോ അതിന് കഴിയുന്നില്ല ,ഗുപ്ത നോടുള്ള ഭയമാണോ അതോ അവന്റെ ആജ്ഞാശക്തിക്കു മുൻപിൽ താൻ അശക്തയാവുകയാണോ അറിയില്ല എന്താണ് തനിക്ക് സംഭവിക്കുന്നതെന്ന്
ദേ .. ഐസ് ക്രീം വന്നു ,സ്വപ്നം കണാതെ കഴിക്ക് ,ഇതു മുഴുവനും കഴിക്കണം കാശ് കൊടുത്തു വാങ്ങുന്നതാണ് അതോർമ്മ വേണം
ആർച്ച എങ്ങനെയോ അത് മുഴുവൻ കഴിച്ച് തീർത്തു
റെസ്റ്റോറന്റിൽ നിന്നും ഇറങ്ങി
ഇനി നീ എങ്ങോട്ടാണ് പോകുന്നത് ആർച്ച കൊച്ചമ്മേ
ത്തതൊക്കെ താനറിയുന്നതെന്തിനാ
അറിയണം നീയിപ്പോ എന്റെ കൂടെ വരണം
എവിടെക്ക് ,
ഞാൻ വരില്ല എനിക്ക് ഷോപ്പിംഗ് ഉണ്ട്
ഒരു അര മണിക്കൂർ നീയെന്റെ കൂടെ വന്നെ പറ്റു
എന്റെ കൂട്ടുക്കാരി ദേ അവിടെ വന്ന് നിൽക്കുന്നുണ്ട് ,എനിക്ക് പോയേ പറ്റൂ
നീ നിന്റെ കൂട്ടുക്കാരിയോട് ഞാൻ സംസാരിക്കാം
വേണ്ട അതിന്റെ ആവശ്യമില്ല
ശരി എന്നാൽ നീ പോയി പറഞ്ഞിട്ട് വായോ ,ഞാൻ ഇവിടെ നിൽക്കാം
ആർച്ച മെറിന്റെ അടുത്തേക്ക് ചെന്നു
മെറിൻ ഗുപ്തനെ കണ്ടിരുന്നു
ആർച്ചേ …..
അത് അന്ന് നിന്നെ തല്ലിയ സുന്ദരനല്ലേ ,നിങ്ങളിപ്പോ ഞാനന്ന് പറഞ്ഞപോലെ ആയോ
മെറിനെ നീ എന്റെ കൈയ്യിൽ നിന്നും എന്തെങ്കിലും വാങ്ങും ,അവൻ ആരാണെന്നറിയോ ഗുണ്ടയാണ് ,പേര് ഗുപ്തൻ മമ്മിയുടെ റിലേഷൻ ആണ് ,ഗൗരിക്ക് വേണ്ടി മമ്മി ഇവന്റെടുത്താണ് ക്വാട്ടേഷൻ കൊടുത്തത് ,അത് ഞങ്ങൾക്ക് തന്നെ വിനയായി
നീ പറയുന്നത് എനിക്ക് മനസ്സിലാവുന്നില്ല ആർച്ചേ …ഈ സുന്ദരൻ ഗുണ്ടയാണെന്നോ ഞാനിത് വിശ്വസിക്കില്ല
നീ വിശ്വസിക്കണ്ട ,നീ ഒരു കാര്യം ചെയ്യ് തിരിച്ച് വീട്ടിലേക്ക് പോക്കോളു
അതെന്താ
നിനക്ക് എന്തോ എന്നോട് പറയാനുണ്ടെന്ന് പറഞ്ഞിട്ടല്ലേ ഞാൻ വന്നത്
അതു ശരിയാണ് ,പക്ഷേ എനിക്കിപ്പോ വരാൻ പറ്റില്ല മെറിനെ ,കാര്യങ്ങളൊക്കെ ഞാൻ വൈകീട്ട് വിളിച്ച് പറയാം
*
ഗുപ്തൻ ആർച്ചയെ കൊണ്ടു പോയത് അവിടെ ഏറ്റവും വലിയ ലേഡീസ് വെയർ ഷോപ്പിലേക്കാണ്
ഇതെന്തിനാ ഇവിടെ ക്ക് വന്നത്
നിന്നെ ഒരു പെണ്ണായി കാണാനുള്ള കൊതി കൊണ്ട്
എന്നോട് തർക്കിക്കാൻ നിൽക്കാതെ മര്യാദക്ക് എന്റെ കൂടെ വന്നോ
അവരെ കണ്ടതും ഒരു പെൺകുട്ടി അവരുടെ അടുത്തേക്ക് വന്നു
എന്താ സർ …. എന്താണ് വേണ്ടത്
ദേ ഇയാക്ക് പറ്റിയ കുറച്ച് ഡ്രസ്സ് വേണം
സർ ഫസ്റ്റ് ഫ്ളോറിൽ ആണ് ടോപ്പും ചുരിദാറ് മൊക്കെ
ഓക്കെ
എനിക്ക് ഒന്നും വാങ്ങണ്ടാ ,എനിക്കിഷ്ടം പോലെ യുണ്ട്
ഇത് പോലെത്തെ കോലം കെട്ടുന്നുന്ന വേഷങ്ങൾ അല്ലേ ,അത് നിനക്കിനി വേണ്ട ,ഇനി ഞാൻ കാണുമ്പോൾ നീ ഇങ്ങനത്തെ വേഷത്തിൽ ആണെങ്കിൽ
ആർച്ചേ ….. പൊന്നുമോളെ അറിയാലോ എന്നെ
ആർച്ചക്ക് ദേഷ്യം വരുന്നുണ്ടായിരുന്നു
പക്ഷേ അവൾ കടിച്ചു പിടിച്ചു
ആർച്ചക്കുളള ഡ്രസ്സെല്ലാം സെലക്റ്റ് ചെയ്തത് ഗുപ്തനായിരുന്നു
ഷോപ്പിൽ നിന്നിറങ്ങുമ്പോൾ ആർച്ചയുടെ കൈയ്യിൽ നിറയെ ഷോപ്പിലെ കവറുകൾ ആയിരുന്നു
ഇതൊക്കെ എന്തിനാ വാങ്ങിയതെന്നറിയാമോ നിന്നെ യൊന്നു പെണ്ണായി കാണാനുള്ള ആഗ്രഹം കൊണ്ട് ,
നിന്നെ നന്നാക്കാൻ പറ്റുമോ എന്ന് ഞാനൊന്ന് നോക്കട്ടേ ….
*
അമ്മേ …കല്യാണം കുറച്ച് കൂടി നീട്ടാമായിരുന്നു ,ഇനി കഷ്ടി ഒരു മാസം അല്ലേ ഉള്ളു ,എല്ലാത്തിനും കൂടി ഒരു മാസം തികയോ
ശ്യാമേ … ഇത്ര പെരുത്ത് ഒരുങ്ങാൻ എന്താ ഉള്ളത്
പിന്നെ അ ഭി ക്ക് കല്യാണം കൂടാലോ ,കുറച്ച് കൂടി കഴിഞ്ഞാൽ അഭിക്ക് പറ്റാതാവും ,അത് കൊണ്ടാണ് വേഗം നടത്താമെന്ന് ഞാൻ പറഞ്ഞത്
അതു തന്നെ അമ്മേ എനിക്ക് എല്ലാ കാര്യത്തിനും ഓടി നടക്കണ്ടതാ ,അത് ശ്യാമേട്ടന് അറിയണ്ടല്ലോ ,
ശ്യാമേട്ടൻ മറ്റുള്ളവരുടെ കാര്യങ്ങൾക്ക് മാത്രമാണ് മുൻഗണന നൽകുന്നത്
എന്റെ പൊന്ന ഭീ ….
ഞാനങ്ങനെ യൊന്നും കരുതി പറഞ്ഞതല്ല ,കല്യാണം വിളി ,പിന്നെ ഫുഡ് ,ഡ്രസ്സ് എടുക്കൽ അങ്ങനെ എത്രയോ കാര്യങ്ങൾ ഉണ്ട് അതുകൊണ്ടാണ് ഞാൻ അങ്ങനെ പറഞ്ഞത്
അയ്യോ .. ശ്യാമേട്ടാ ഞാനൊരു തമാശ പറഞ്ഞതാണ് ,പിന്നെ ശരത്തും ഗൗരിയും എത്രയെന്നു വച്ചാൽ കാത്തിരിക്കാ
ഏട്ടത്തീ …. ഞാൻ കേൾക്കുന്നുണ്ട് ട്ടോ
പിന്നെ എനിക്കും തോന്നുന്നുണ്ട് ഇത്ര പെട്ടെന്ന് വേണ്ടായിരുന്നു ,കാത്തിരിപ്പിനു ഒരു സുഖം ഉണ്ടായിരുന്നു
ആണോ എന്നാ ഒരു കാര്യം ചെയ്യാം ഗംഗയുടെ കല്യാണത്തിന് ഒപ്പം നടത്താം
അപ്പോ ഒരു രണ്ടു മൂന്നു കൊല്ലം കാത്തിരിക്കാമല്ലോ, മാഷിനോട് വേണമെങ്കിൽ പറയാം
എന്റെ പൊന്നു ഏട്ടത്തി … ചതിക്കരുത് ഞാൻ ഒരു പഞ്ചിന് വേണ്ടി പറഞ്ഞതാണ് ,പിന്നെ ഗൗരി വേഗം വരികയാണെങ്കിൽ ഉണ്ണിനെ നോക്കാൻ ഒരാള് കൂടിയാകുമല്ലോ
ഉവ്വ്
ശരത്തേ …..
എന്താ ചേട്ടാ …
ടാ ആർച്ചയും അമ്മയും വെറുതെ ഇരിക്കുമെന്ന് എനിക്ക് തോന്നുന്നില്ല
ശ്യാമേട്ടാ …. ഞാനും അതു തന്നെ പറയാൻ വരായിരുന്നു ,ഗൗരിയുടെ വീട്ടിൽ വന്നപ്പോൾ ആന്റി കാണിച്ച് കൂട്ടിയത് നമ്മൾ കണ്ടതല്ലേ
ഒന്നും ഉണ്ടാവില്ല ഏട്ടത്തി ,ആന്റി ഒന്നും ചെയ്യില്ല അതിനുള്ള പണിയൊക്കെ ഞാൻ ചെയ്തു വച്ചിട്ടുണ്ട്
എന്ത് ചെയ്തിട്ടായാലും വേണ്ടില്ല കല്യാണം ഒരു തടസ്സം കൂടാതെ നടന്നാൽ മതി
ഒന്നും ഉണ്ടാവില്ല ഏട്ടത്തി കല്യാണം നമ്മൾ വിചാരിച്ചതിനെക്കാളും ഭംഗിയായി നടക്കും
*
ആർച്ച വീട്ടിലെത്തി
ഇതെന്താ ആർച്ചേ ഒരു തുണി കട മുഴുവൻ ഉണ്ടല്ലോ
ഉണ്ട്
ആർച്ച ദേഷ്യത്തോടെ പറഞ്ഞു
ഇപ്പോ ഇത്ര ഡ്രസ്സ് വാങ്ങിയതെന്തിനാ
,നിനക്കിഷ്ടം പോലെയുണ്ടല്ലോ
ഇത് ഞാൻ വാങ്ങിയതല്ല മമ്മീ ….
എന്താ ആർച്ചേ .ഒന്നു പതുക്കെ പറയ് എനിക്ക് നന്നായി ചെവി കേൾക്കാം
ഗുപ്തൻ .
അവൻ വാങ്ങി തന്നതാണ് എനിക്ക്
ഗുപ്തനോ
എന്തിന് …അവനെന്തിനാ നിനക്ക് വാങ്ങി തരു ന്നത്
അവൻ മോതിരമിട്ടപ്പെണ്ണല്ലേ ഞാൻ ,ഇതൊക്കെ വാങ്ങി തരാൻ അവന് അവകാശമുണ്ടെന്ന്
നിനക്കവന്റെ മുഖത്തേക്ക് എറിയാമായിരുന്നില്ലേ
എറിഞ്ഞിട്ട് അവന്റെ തല്ല് ഞാൻ വാങ്ങണമല്ലേ
എല്ലാത്തിനും കാരണം മമ്മിയാണ് ,ശരത്തായുള്ള വിവാഹം നടക്കില്ല ,ഇനി ഒരു ഗുണ്ടയുടെ ഭാര്യയായി കഴിയാം അതാ എനിക്ക് വിധിച്ചിരിക്കുന്നത്
എഴുതാപ്പുറം വായിക്കണ്ട ആർച്ചേ ,നിന്റെ മമ്മിയെ നിനക്ക് വിശ്വാസമില്ലേ
ഉണ്ടായിരുന്നു പക്ഷെ ഇപ്പോ ഇല്ല
എന്റെ മകൾക്ക് കൊടുത്ത വാക്ക് ഞാൻ പാലിച്ചിരിക്കും ,ശരത്ത് നിന്റെ കഴുത്തിൽ താലികെട്ടും
മമ്മീ എന്നെ ഇത്തിരി നേരം വെറുതെ വിടൂ ,എനിക്കൊന്ന് കിടക്കണം
ശരത്തിന്റെ കാര്യത്തിൽ ആർച്ചക്ക് നല്ല സങ്കടമുണ്ടെന്ന് സുധക്ക് മനസ്സിലായി
ഇനിയിത് നീട്ടികൊണ്ടു പോകണ്ട ,ഗൗരി ഇനി വേണ്ട അവള് ജീവിച്ചത് മതി
ഗുപ്തന് പകരം വേറെ ഒരാളെ കണ്ടെത്തെണം ,ഇനി വൈകരുത് ,തന്റെ മോള് അവൾക്കിഷ്ടമുള്ള ആളുടെ കൂടെ ജിവിക്കണം ,അത് അവളുടെ മമ്മി നടത്തി കൊടുക്കും
സുധ കാറെടുത്തു
അവൾക്ക് ഒരു ലക്ഷ്യമുണ്ടായിരുന്നു,
സുധ നല്ല സ്പീഡിലായിരുന്നു കാറോടിച്ചിരുന്നത്
മനസ്സിൽ ഒരു ചിന്ത മാത്രം ഗൗരി ഇനി വേണ്ട ,ശരത്ത് കെട്ടുന്നത് തന്റെ ആർച്ചയെ
വളവ് തിരിയുമ്പോൾ എതിരെ വരുന്ന ലോറി സുധ കണ്ടില്ല
സുധ ലോറി കണ്ടപ്പോഴെക്കും കാറ് ലോറിയിൽ ഇടിച്ചിരുന്നു
സുധ കാറിൽ നിന്നും തെറിച്ചു റോഡിലേക്ക് വീണു
തുടരും
മുൻഭാഗങ്ങൾക്കായി ഈ ലിങ്കിൽ പോവുക
രജിത പ്രദീപ് എടയാട്
ഇവിടെ കൂടുതൽ വായിക്കുക
അക്ഷരത്താളുകൾ പ്രസിദ്ധീകരിച്ച എല്ലാ നോവലുകളും വായിക്കുക
അക്ഷരത്താളുകൾ പ്രസിദ്ധീകരിച്ച എല്ലാ കഥകളും വായിക്കുക
About Author
Unlock Your Imagination: Start Generating Stories Now! Generate Stories
Get all the Latest Online Malayalam Novels, Stories, Poems and Book Reviews at Aksharathalukal. You can also read all the Latest Stories in Malayalam by following us on Twitter and Facebook
പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം
Hey, I'm loving Kuku FM app 😍
You should definitely try it. Use my code LPLDM59 and get 60% off on premium membership! Listen to unlimited audiobooks and stories.
Download now
©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission