വിഷു ഈസ്റ്റർ ഓർമ്മകൾ

അതെ പായസമാണ് താരം…

എല്ലാരും പറയും അവരവരുടെ അമ്മയുടെ കൈപുണ്യത്തിനെകുറിച്ചു വാതോരാതെ …..ഹോ !

പക്ഷെ എനിക്കുപറയാനുള്ളത് എന്റെ അയൽപക്കത്തെ ഇന്ദിര അമ്മായിടെ കൈപ്പുണ്യത്തെക്കുറിച്ചാണ്.

വിഷു ഈസ്റ്റർ എന്നില്ല അറിയാവുന്ന എല്ലാ വിശേഷദിവസങ്ങളിലും നേരെ മുന്നിലുള്ള ഇന്ദിര അമ്മായിടെ പൂമുഖപ്പടിയിലേക്കു കണ്ണുംനട്ട് അങ്ങനെ ഒരു നിൽപ്പാണ് !

എപ്പോളാകും അമ്മായിയുടെ ഒരു മുഖദർശനം ഉണ്ടാകുക?

ദർശനം  കിട്ടിയാൽ എന്റെ മുഖത്തായിരം പൂത്തിരികത്തും…🤩ആ പൂത്തിരിയുടെ വെട്ടത്തിൽ അമ്മായി എന്നെ മാടിവിളിക്കും അതു ഞാൻ കൃത്യമായി കാണും അതുമാത്രം കാണാനാണല്ലോ പുലർന്നതുമുതൽ ഇപ്പോവരെ നീണ്ട ഈനില്പുതന്നെ ….

കാര്യം നേരെ എതിർവീടാണു പക്ഷെ അങ്ങനങ്ങു ഓടിപോകാനൊന്നും പറ്റില്ല ….

അയ്യോ !!!!!

അല്ല അങ്ങനല്ല  ചുമ്മാ അങ്ങു കേറിചെല്ലാൻ എനിക്കൊരുമാനക്കേടും ഉണ്ടായിട്ടല്ല …വീട്ടിനു ഒന്നുചാടിക്കിട്ടാൻ ഇച്ചിരിപ്പാടാണെയ് 😝

അല്ലെൽത്തന്നെ നാടുതെണ്ടി ഊരുതെണ്ടി എന്നിങ്ങനെ വിശേഷണങ്ങളുടെ ഒരു നീണ്ടനിരതന്നെയുണ്ട് എനിക്ക് …അപ്പൊ വീട്ടീന്ന് പുറത്തുചാടൽ കടുകട്ടി 😤…

അമ്മായിടെ ഒറ്റവിളി ഞാൻ സ്വിച്ചിട്ടപോലെ ഊൺമേശയുടെ തൊട്ടടുത്ത് എത്തും അമ്മായി വിഭവങ്ങൾ അങ്ങനെ ഓരോന്നായി നല്ല ഭംഗിയായി വിളമ്പി ഒരുക്കി വെച്ചിട്ടുണ്ടാകും അതുതന്നെ ഒരു വിഷുക്കണിയാണു അതുകണ്ടാൽ കണ്ണും മനസും മാത്രമല്ല വയറുവരെ നിറഞ്ഞുപോകും ….

പക്ഷെ അവസാനം പറഞ്ഞത് ഞാനങ്ങു ചുമ്മാ സമ്മതിക്കത്തില്ല ഇങ്ങനെ വല്ലപ്പോഴും വീണുകിട്ടുന്ന അവസരമാണേയ് അതുഞാൻ അങ്ങനങ്ങു കളയത്തില്ല…

പിന്നെന്താ അമ്മാവനും ചിച്ചു എന്ന് പേരുള്ള അവരുടെ മോനും എല്ലാം കൂടി അങ്ങനെയങ്ങു കഴിക്കാൻ തുടങ്ങും …

ഈ തൃശൂർ പൂരം ഇല്ലേ അതിലെ കുടമാറ്റം എന്റെ പൊന്നോ ഒന്നും പറയാനില്ല …

കാളൻ ഓലൻ പച്ചടി കിച്ചടി ഇഞ്ചിപ്പുളി അവിയൽ തോരൻ സാമ്പാർ മോര് കൂട്ടുകറി നല്ല നടൻ മാങ്ങാ അച്ചാർ ഹോ !!!! 🙈

അവസാനം തലയെടുപ്പോടുകൂടി പായസത്തിന്റെ             വരവ്‌

എന്റെപൊന്നു സാറേ പിന്നെ ചുറ്റുമുള്ളതെന്നും കാണാൻപറ്റൂല്ല …അമ്മാതിരി രുചിയാണ് …..

ഹാ ഇതിൽ ഈസ്റ്ററിനു എന്ത് പ്രസക്തി എന്നല്ലേ ?

അതാ പറഞ്ഞുവരുന്നതു  സദ്യ മാത്രമല്ലട്ടാ ഈസ്റ്റർ വിഭവങ്ങളായ ചിക്കൻ മാപ്പാസ് ലിവെർഫ്രയ് ബീഫ് വിന്താലു എല്ലാം കലക്കൻ ആണുട്ടാ 😘

ഇതൊക്കെ കാണുമ്പോളാ വീട്ടിലിരിക്കുന്നതിനെ എടുത്തു കിണറ്റിലിടാൻ തോന്നുന്നത്…😖

അയ്യോ എന്റെയമ്മ എന്റെ പൊന്നമ്മയൊക്കെ ആണ് എന്നാലും പറയാതെ  അമ്മായി അടിപൊളിയാണ് 😋😋😋😋😋😋