ഹോസ്റ്റലിലെ മറ്റു പടകൾ ഞങ്ങളെ തന്നെ നോക്കി നിൽക്കായിരുന്നു ……………………
” ഹരിമാമേ , എന്താ പെട്ടെന്ന് ഒരു വാക്കുപോലും പറയാതെ , ഒന്ന് കാൾ ചെയ്യാതെ വന്നേ ”
” എന്താ അമ്മുട്ട്യേ , നിന്നെ കാണാൻ എനിക്ക് മുൻകൂട്ടി അപ്പോയിന്മെന്റ് എടുക്കണോ ”
” അതല്ല ഹരിമാമേ പപ്പ അറിഞ്ഞോ ഹരിമാമ ഇങ്ങോട്ട് വന്നത് ? ”
” കാനഡയിൽ പഠിക്കാൻ പോയ മോളെ ഇവിടെ കണ്ടെന്നു നിന്റെ പാപ്പയോട് പറയാൻ പറ്റോ ”
” അയ്യോ ഹരിമാമേ ചതിക്കല്ലേ , പപ്പാ അറിഞ്ഞാൽ എന്നെ കൊല്ലും ”
” നിന്നെ മാത്രമല്ല , നിന്റെ എല്ലാ കുട്ടികളിക്കും കൂട്ട് നിന്ന എന്നെയും ”
പെട്ടന്ന് ഞങ്ങളുടെ ഇടയിലേക്ക് ടീച്ചറമ്മ കയറി വന്നു .
” ശ്രുതി ആരാ ഇത് ? ”
” ടീച്ചറമ്മേ , ഇതെന്റെ ഹരിമാമ . ”
” ഹാ , വെറുതെ വന്നതാണോ ”
ഹരിമാമയോട് ആയിരുന്നു ടീച്ചറമ്മയുടെ ചോദ്യം .
” അതെ , ശ്രുതിയെ ഒന്ന് കാണാൻ , ഞാൻ ഒരു ബിസിനസ്‌ ടൂറിൽ ആയിരുന്നു . ഇവിടെ വരെ വന്നപ്പോൾ ഒന്ന് കാണാൻ തോന്നി ”
അപ്പോഴേക്കും ഹോസ്റ്റലിലെ മറ്റു പടകൾ അങ്ങോട്ട് വന്നിരുന്നു . ഹരിമാമ കൊണ്ടുവന്ന സ്വീറ്സ് ഞാൻ അവർക്ക് കൊടുത്തു . കുറച്ച് നേരം അവരൊക്കെ ഹരിമാമയോട് കത്തിവെച്ചിരുന്നു .
” അമ്മുട്ട്യേ നിന്നോട് കുറച്ച് സംസാരിക്കാൻ ഉണ്ട് . ”
” പെട്ടെന്ന് ഇതെന്തു പറ്റി ”
” ഞാൻ ഇപ്പൊ വരാം നിന്റെ വാർഡനെ ഒന്ന് കണ്ടിട്ട് വരാം ”
ഹരിമാമ വാർഡന്റെ ഓഫീസിലേക്ക് പോവുന്നത് നോക്കി നിൽക്കുകയായിരുന്നു ഞാൻ . എന്തിനാവും ഒരു വാക്കു പോലും പറയാതെ ഹരിമാമ ഇങ്ങോട്ട് വന്നത് . എത്ര ആലോചിച്ചിട്ടും ഒരെത്തും പിടിയും കിട്ടുന്നില്യ .
അല്ല , ഞാൻ ഹരിമാമയെ നിങ്ങൾക്ക് പരിജയ പെടുത്തിയില്ലല്ലോ . ഹരിമാമ എന്റെ പപ്പയുടെ ബിസിനസ്‌ പാർട്ണർ ആണ് . എന്റെ അമ്മക്ക് സ്ഥാനം കൊണ്ടും പെരുമാറ്റം കൊണ്ടും സ്വന്തം ബ്രദർ തന്നെയായിരുന്നു . പിന്നെ ഈ എനിക്ക് എന്റെ ബെസ്റ്റ് ഫ്രണ്ട് ആയിരുന്നു ഹരിമാമ .
ഹരിമാമ ഒരു ബാച്ചിലർ ആണ് . അതിനു പിന്നിൽ ഒരു നഷ്ട്ട പ്രണയം ഉണ്ട് . അതൊക്കെ ഞാൻ പിന്നെ പറയാം .
എന്റെ അമ്മയുടെ മരണശേഷം എനിക്ക് ഒരു അമ്മയുടെയും അപ്പയുടെയും സ്നേഹം തന്നത് ഹരിമാമ ആയിരുന്നു . എന്റെ അമ്മയെ പോലെ എന്നെ നല്ല ഒരു ഡാൻസർ & സിങ്ങർ ആക്കാൻ ഹരിമാമ ആയിരുന്നു മുൻകൈ എടുത്തിരുന്നത് . എന്നെ മാർഷൽ ആർട്സ് , കരാട്ടെ , ബോക്സിങ് ഒക്കെ പഠിക്കാൻ വിട്ടത് ഹരിമാമ ആയിരുന്നു .
എനിക്ക് പാലക്കാട്‌ കോളേജിൽ അഡ്മിഷൻ കിട്ടിയെന്ന് അറിഞ്ഞപ്പോൾ ഹരിമാമ ആദ്യമൊക്കെ പോവണ്ടാന്ന് പറഞ്ഞിരുന്നെങ്കിലും , എന്റെ വാശിക്കുമുന്നിൽ ഹരിമാമ തോറ്റുപോയി .
ഓരോന്ന് ആലോചിച്ചു നിൽക്കുമ്പോഴായിരുന്നു ഹരിമാമ വന്നെന്നെ തട്ടി വിളിച്ചത് .
” ഹലോ , ഇതെന്ത് ആലോചിച്ചു നിൽക്കുവാ ”
” ഏയ്‌ ഒന്നുല്ല്യ , ഹരിമാമ എന്തിനാ പെട്ടെന്ന് ഒരു മുന്നറിയിപ്പും ഇല്ലാതെ ഇങ്ങോട്ട് വന്നേ ”
” എനിക്കെന്തോ നിന്നെ കാണാൻ തോന്നി അപ്പോൾ വന്നു ”
” അതെയോ ” ☺
കുറച്ച് നേരം ഞങ്ങൾ സംസാരിച്ചിരുന്നു . പിന്നെ പുറത്തേക്കൊക്കെ ഒന്നിറങ്ങി . ഹരിമാമയുടെ കൂടെ പുറത്ത് പോയി ചിക്കൻ ബ്രോസ്റ്റ് അടിച്ചു .
അപ്പോഴാണ് ഹരിമാമ പറഞ്ഞത് ബിസിനസ്സിന്റെ ആവശ്യത്തിനായി ഹരിമാമ ഇവിടെയൊക്കെ തന്നെ കാണുമെന്നു . സാരല്ല്യ , ഞാൻ ഹോസ്റ്റലിൽ ആയത് നന്നായി . ഇല്ലേൽ എന്റെ കുരുത്തക്കേട് ഹരിമാമക്കൊരു തലവേദന ആയേനെ……
ഈവെനിംഗിൽ ഹോസ്റ്റലിൽ എത്തിയപ്പോൾ എല്ലാം കൂടി ടിവിയുടെ മുന്നിലായിരുന്നു . ഞാൻ കുളിച് ഫ്രഷ് ആയതിനു ശേഷം അവരോടൊപ്പം ചേർന്നു .
അപ്പോഴാണ് ടീച്ചറമ്മ ഞങ്ങളുടെ അടുത്തേക്ക് വന്നത് .
” നാളെ സൺ‌ഡേ ആയിട്ട് നിങ്ങൾക്കെന്താ പരിപാടി ”
എല്ലാരും പ്രത്യേകിച്ച് ഒന്നുമില്ലെന്ന് പറഞ്ഞപ്പോൾ , ഒട്ടും പ്രതീക്ഷിക്കാത്ത ഒരു കാര്യം ടീച്ചറമ്മ പറഞ്ഞു . വേറെ ഒന്നുമല്ല . നാളെ എല്ലാർക്കും കൂടി ഔട്ടിങ്ങിനു പോയാലോന്നു .
” ഡബിൾ ok ”
എല്ലാരും ഫുൾ ഹാപ്പിയായി . ഒന്നും പ്ലാൻ ചെയ്യാതെ ഞങ്ങളൊക്കെ പോയി കിടന്നുറങ്ങി .
രാവിലെ എണീറ്റപ്പോൾ തന്നെ ഫുൾ ഹാപ്പി മൂട് ആയിരുന്നു . ഞാൻ ബ്ലൂ ജീൻസ് & യെല്ലോ ടോപ് ഇട്ടു താഴേക്ക് ഇറങ്ങിയപ്പോഴേക്കും എല്ലാരും റെഡി ആയി നിൽക്കായിരുന്നു .
” ടീച്ചറമ്മേ , പോവാം ”
” ആ പോവാം മക്കളെ ”
ഞങ്ങൾ എല്ലാരും ഒരുമിച്ചിറങ്ങി . ആദ്യം തന്നെ മലമ്പുഴ ഡാം കാണാൻ പോയി . ഉച്ചവരെ അവിടെ കറങ്ങി . ശരിക്കും അടിപൊളി ആയിരുന്നു .
ഉച്ചക്ക് ശേഷം , ഞങ്ങൾ ഷോപ്പിംഗ് മാളിൽ കയറി , നല്ല അടിപൊളി ചിക്കൻ ബിരിയാണി കഴിച്ചു . ശേഷം കുറച്ച് ഷോപ്പിംഗ് നടത്തി . പിന്നെ ഫിലിമിന് കയറി .
അതൊരു ലവ് സ്റ്റോറി ആയതോണ്ട് എനിക്കൊട്ടും ഇഷ്ട്ടായില്ല . ഞാൻ അവിടെന്ന് പുറത്തേക്കിറങ്ങി . ഗെയിം സെക്ഷനിൽ പോയി കുറച്ച് നേരം പിള്ളേരുടെ കൂടെ കളിച്ചു .
അതിൽ ഒരു കൊച്ചു പയ്യൻ എന്റെ കൂളിംഗ് ഗ്ലാസ്‌ എടുത്തോടി . ഞാൻ അവന്റെ പിറകെയും . ഓടി ഓടി അവൻ ലിഫ്റ്റിൽ കയറി. ഒപ്പം ഞാനും കയറിയപ്പോൾ അവൻ ആ കൂളിംഗ് ഗ്ലാസ്‌ താഴെ ഇട്ടു.
ഞാൻ അതെടുക്കാൻ കുനിഞ്ഞപ്പോൾ ലിഫ്റ്റിൽ നിൽക്കുന്ന ആളെ കണ്ട് ഒന്ന് ഞെട്ടി . അത് നമ്മുടെ ആർമി ആയിരുന്നു . പെട്ടെന്ന് ആർമിയെ കണ്ട ആ ഷോക്കിൽ ഞാൻ അന്തം വിട്ട് നിന്നു.
ഈ സമയം കൊണ്ട് ആ ചെക്കൻ പുറത്തേക്കുള്ള ഡോറിന്റെ അടുത്തുള്ള നമ്പേഴ്സ് എല്ലാം കൂടി ഒരുമിച്ച് ഞെക്കി . എന്നിട്ട് ഒരൊറ്റ ഓട്ടം .
അവൻ ഓടുന്നത് കണ്ടപ്പോൾ ഞാൻ ആർമിയിൽ നിന്നും കണ്ണെടുത്തു . എന്നെ അന്ന് മൈന്റ് ചെയ്യാതെ കാർ എടുത്ത് പോയതാണ് എന്റെ മൈൻഡിൽ ആദ്യം വന്നത് . അത് കൊണ്ട് തന്നെ ഞാൻ അവനെ കണ്ടിട്ടും കാണാത്ത പോലെ പുറത്തിറങ്ങാൻ തുനിഞ്ഞതും ലിഫ്റ്റ് വളരെ പെട്ടെന്നു അടഞ്ഞു . എനിക്ക് പുറത്ത് കടക്കാൻ കഴിഞ്ഞില്ല .
ലിഫ്റ്റ് വളരെ സ്പീഡിൽ താഴേക്ക് പോയി . ഞാൻ പെട്ടന്ന് പേടിച് പുറകോട്ടു പോയി . ബാലൻസ് കിട്ടാതെ ഞാൻ വീഴാൻ പോയപ്പോൾ , ഒരു ബലിഷ്ഠമായ കൈകൾ എന്നെ മുറുക്കി ചുറ്റി പിടിച്ചു .
ആ കൈകൾ ദേഷ്യത്തോടെ വിടിയ്ക്കാൻ ഞാൻ നോക്കിയപ്പോൾ ഞങ്ങൾ രണ്ടു പേരും കൂടി താഴേക്ക് പതിച്ചു .
താഴെ പോയി നിന്ന ലിഫ്റ്റ് വീണ്ടും മുകളിലേക്ക് പോയി . ഒന്നിനെയും പേടിക്കാതിരുന്ന ഞാൻ പെട്ടെന്ന് ഒന്ന് പേടിച്ചു . ലിഫ്റ്റിൽ കുലുക്കം കൂടിയപ്പോൾ ഞാൻ ആർമിയുടെ നെഞ്ചിലേക്ക് മുഖം അമർത്തി .
പെട്ടെന്ന് ലിഫ്റ്റ് മുകളിൽ സ്റ്റെക്ക് ആയി നിന്നു . അപ്പോൾ ഞാൻ മുഖമുയർത്തിയൊന്നു നോക്കിയപ്പോൾ ആർമി അവന്റെ കൈകൾ കൊണ്ട് എനിക്കൊരു കവചം തീർത്തിരുന്നു .
ഞാൻ പെട്ടെന്ന് തന്നെ ആർമിയുടെ കരങ്ങൾ എന്നിൽ നിന്നും അടർത്തി കുറച്ച് മാറി നിന്നു . ലിഫ്റ്റിൽ കറന്റ് പോയി. ചൂടെടുക്കാൻ തുടങ്ങി . കുറച്ചു നേരം കൂടി അതിനകത്തു നിന്നാൽ ശ്വാസം കിട്ടില്ലെന്ന്‌ ഉറപ്പാണ് .
ലിഫ്റ്റ് മെല്ലെ ചലിക്കാൻ തുടങ്ങി . ലിഫ്റ്റ് വളരെ പതിയെ താഴേക്ക് പോയി . ഡോർ തുറന്നപ്പോൾ തന്നെ താഴെ ഒരുപാടു പേര് ഉണ്ടായിരുന്നു .
സെക്യൂരിറ്റി ഗാർഡ്‌സ് , ലിഫ്റ്റ് ഓപ്പറേറ്റർ , പിന്നെ അസിസ്റ്റന്റ് മാനേജർ , മറ്റു അസ്സിസ്റ്റൻസ് . ടീച്ചറമ്മയും പിള്ളേരും എന്റെ അടുത്തേക്കോടി വന്നു.
പെട്ടന്ന് എന്തോ ഓർത്തിട്ടെന്ന പോലെ ടീച്ചറമ്മയോടു ഇപ്പൊ വരാം എന്ന് പറഞ്ഞു പുറത്തേക്കോടി …….
( തുടരും )
Read complete ശ്രുതി Malayalam online novel here
Related posts:
About Author
Unlock Your Imagination: Start Generating Stories Now! Generate Stories
Get all the Latest Online Malayalam Novels, Stories, Poems and Book Reviews at Aksharathalukal. You can also read all the Latest Stories in Malayalam by following us on Twitter and Facebook
പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം
©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission