ആരാണെന്ന് എത്ര ചോദിച്ചിട്ടും ഒന്നും മിണ്ടാതെ അങ്ങനെ നിൽക്കുകയാണ് ………..
” ആരാ ? ”
വീണ്ടും മൗനമായിരുന്നു ഫലം . ഞാൻ എൻറെ ചോദ്യം ഒന്നുകൂടി ആവർത്തിച്ചു . കുറച്ചു ദേഷ്യത്തോടെയാണ് ഞാൻ ചോദിച്ചത് .
” ആരാ ?
ആരാന്നല്ലേ ചോദിച്ചത് ?
ആളെ കളിപ്പിക്കാൻ നിൽക്കാതെ ആരാന്ന് വെച്ച് ഒന്ന് പറയൂ ”
ഇത്രയൊക്കെ പറഞ്ഞിട്ടും no reply . പിന്നെ ഒന്നും നോക്കിയില്ല എന്റെ സകല ദേഷ്യവും എടുത്ത ഞാൻ എൻറെ കണ്ണുപൊത്തിയ ആ കൈകൾ പിടിച്ചു വലിച്ചു .
എന്നിട്ട് ഒന്ന് തിരിഞ്ഞു നോക്കി . താഴെ കിടക്കുന്ന ആളെ കണ്ടപ്പോൾ ഞാനൊന്നു ഞെട്ടി എന്നെ കണ്ടപ്പോൾ അവന്റെ മുഖത്തുള്ള ഭാവവും അതുതന്നെയായിരുന്നു .
ഞങ്ങളിരുവരും പരസ്പരം മുഖത്തോട് മുഖം നോക്കി ചോദിച്ചു :
” ആരാ ? ? ? ? ? ”
ഇതിപ്പോ ആരായിരിക്കും . ചെറിയച്ഛനും ചെറിയമ്മക്കും മൂന്ന് പെൺകുട്ടികൾ മാത്രമേയുള്ളൂ . അപ്പൊ പിന്നെ ഇവൻ ആരായിരിക്കും ?
ഇനിയൊരുപക്ഷേ വല്ല കള്ളനും ആയിരിക്കുമോ ?
എൻറെ ചിന്തകൾക്ക് വിരാമമിട്ടുകൊണ്ട് അവൻ എനിക്ക് നേരെ വിരൽ ഞൊടിച്ചു .
” ആരാടി നീ , ഡീ പെണ്ണേ നിന്നോട് ചോദിക്കുന്നത് നീ ആരാണ് ? നീ എങ്ങനെ ഈ വീട്ടിൽ കയറി ?
സത്യം പറയെടി ?
ഇനി പെണ്ണു വല്ല ഊമയും ആണോ എത്ര ചോദിച്ചിട്ടും ഒന്നും മിണ്ടാതെ നിൽകുന്നു . ”
” എടീ പോടീ എന്നൊക്കെ തന്റെ വീട്ടിലുള്ളവരെ പോയി വിളിക്കെടോ , പിന്നെ ഞാനാരാണെന്ന് കാര്യമൊക്കെ അവിടെ ഇരിക്കട്ടെ , താനാരാ ? ”
” ആഹാ അത്രയ്ക്കായോ എൻറെ വീട്ടിൽ കയറി വന്ന് എന്നോട് ആരാണെന്ന് ചോദിക്കുന്നോ ”
” തൻറെ വീടോ എന്നുമുതൽ ?
സത്യം പറയഡോ താൻ കക്കാൻ വന്നതല്ലേ ? ”
” ഡീ പെണ്ണേ നീ എൻറെ കയ്യീന്ന് വാങ്ങിച്ചു കൂട്ടും , അനധികൃതമായി വീട്ടിൽ കയറിയതും പോര , എന്നിട്ട് അവളുടെ ഒരു ഒടുക്കത്തെ ഡയലോഗും ”
” ആരും ഇല്ലാത്ത സമയത്ത് വീട്ടിൽ കയറി വന്നത് താനാണ് അല്ലാതെ ഞാനല്ല , അതുംപോരാഞ്ഞ് താൻ എന്നോട് വഴക്കിനു വരുന്നോ ? ”
” ആരുമില്ലാത്ത വീട്ടിൽ കയറിവന്നതും പോര നീ എന്നോട് ഡയലോഗ് അടിക്കുന്നോ , ദേ പെണ്ണെ സത്യം പറയുന്നതാ നിനക്ക് നല്ലത് ,
നീ ഏതു വാതിൽ പൊളിചാ അകത്ത് കയറിയത് ?
നിൻറെ സംഘത്തിലുള്ള വേറെ ആരെങ്കിലും ഇവിടെ ഉണ്ടോ ?
ഉണ്ടെങ്കിൽ തന്നെ എനിക്ക് ആരെയും പേടിയില്ല , ”
” അത് തന്നെയാണ് എനിക്കും നിന്നോട് പറയാനുള്ളത് ”
അവസാനം ഞങ്ങളുടെ വാക്കേറ്റം അടിയുടെ വക്കിലെത്തി . അവനെന്റെ കയ്യിൽപിടിച്ച് തൂണിനോട് ചേർത്തുനിർത്തി കെട്ടിയിടാൻ നോക്കി . അപ്പൊ ഞാൻ ഒന്നും നോക്കിയില്ല , അവൻറെ 2 കൈപ്പത്തിയും പിടിച്ച് ബ്ലോക്ക് ചെയ്തു . എന്നിട്ട് ഒരു കയർ കൊണ്ട് അവനെ തൂണിൽ കെട്ടിയിട്ടു .
അല്പസമയത്തിനുശേഷം പുറത്തുപോയ ചെറിയച്ഛനും ചെറിയമ്മയും വന്നു . അവൻ അപ്പോഴും എന്തൊക്കെയോ എന്നോട് പറയുന്നുണ്ടായിരുന്നു . പക്ഷേ അവന്റെ വായിൽ തുണി തിരുകിയത് കൊണ്ട് ഒന്നും വ്യക്തമായില്ല .
ചെറിയച്ഛനോടും ചെറിയ അമ്മയോടും ഞാൻ വേഗം ഓടി ചെന്ന് കാര്യം പറഞ്ഞു . വീട്ടിനുള്ളിൽ ഒരു കള്ളൻ അതിക്രമിച്ചുകയറി എന്നും അവനെ ഞാൻ തൂണിൽ കെട്ടിയിട്ടുണ്ടെന്നും .
അത് കേട്ടപ്പോൾ അവർ ആകെ ടെൻഷനായി . എന്നിട്ട് എന്നോട് ചോദിച്ചു :
” നിനക്കു ഒന്നും പറ്റിയില്ലല്ലോ മോളെ ? ”
” എനിക്കൊന്നും പറ്റിയിട്ടില്ല ”
കള്ളനെ കാണാനായ് അകത്തുകയറി നോക്കിയ ചെറിയ ചെറിയമ്മയും ആദ്യമൊന്നമ്പരന്നു . പിന്നെ അവർ ഇരുവരും ചിരിക്കാൻ തുടങ്ങി . ചെറിയച്ഛൻ ചിരിച്ചുകൊണ്ട് അവന്റെ അടുത്തുപോയി കൈയുടെ കെട്ടഴിച്ചു .
അവൻറെ വായിൽ തിരുകിയ തുണി അഴിച്ചപ്പോൾ മുതൽ അവൻ ചാടിക്കയറി എൻറെ അടുത്തേക്ക് വന്നു . അപ്പോഴും ചെറിയഛന്റെയും ചെറിയമ്മയുടെയും ചിരി നിന്നിരുന്നില്ല . ആരുടെ ചിരിക്ക് പിന്നിലുള്ള കാരണം അറിയാതെ ഞാൻ അവരെ തന്നെ നോക്കി നിന്നു .
” മോളെ , ഇവനെന്റെ പെങ്ങളുടെ മോനാണ് . പേര് ലാലു . ”
ചെറിയച്ഛൻ അത് പറഞ്ഞപ്പോഴേക്കും ഞാൻ അവനെ നോക്കി ഒരു ചമ്മിയ ചിരി പാസാക്കി .
” ലാലു അല്ല ലാൽ ജിത്ത് , അതാണ് എൻറെ പേര് ”
അവൻ കുറച്ച് ഗമയോടെ പറഞ്ഞു . അത് കേട്ടപ്പോൾ ചെറിയച്ഛൻ പറഞ്ഞു :
” എന്നാൽ ലാൽ ജിത്തു എന്ന ലാൽ മോനെ ഇതെന്റെ ഫ്രണ്ടിന്റെ മകളാണ് . ”
” മതി സംസാരിച്ചത് , ലാലു ഇരിക്ക് ഞാൻ പോയി ചായ കൊണ്ടുവരാം ”
ചെറിയമ്മ അതും പറഞ്ഞ് അടുക്കളയിലേക്ക് പോയപ്പോൾ ചെറിയച്ഛൻ വസ്ത്രം മാറാനായി റൂമിലേക്ക് പോയി . അപ്പോൾ അവൻ എന്നോട് ചോദിച്ചു :
” ഡീ പെണ്ണേ , നീ കരാട്ടെ ആണോ ? ”
” ആണെങ്കിൽ ………. ”
” ആവും അതെനിക്ക് അപ്പോഴേ തോന്നി , എൻറെ കൈകൾക്ക് നല്ല വേദന . ഒരു സാധാരണ പെണ്ണ് പിടിച്ചാൽ ഇത്ര വേദന ഒന്നുമുണ്ടാവില്ല ”
” സോറി , ഞാൻ കരുതി വീട് ആക്രമിക്കാൻ വന്ന കള്ളനാണെന്ന് ”
” എൻറെ പൊന്നു മോളെ കള്ളന്മാരോട് പോലും ഇങ്ങനെ ഒന്നും ചെയ്യല്ലേ അവരും മനുഷ്യന്മാര് തന്നെയല്ലേ ”
അവൻറെ ദയനീയഭാവത്തിൽ ഉള്ള സംസാരം കേട്ട് എനിക്ക് ചിരിയാണ് വന്നത് .
ഞങ്ങൾ സംസാരിച്ചുകൊണ്ടിരിക്കുമ്പോൾ ചെറിയമ്മ അങ്ങോട്ട് ചായയുമായി വന്നു . ചായ കുടിച്ചശേഷം , ഞാൻ വെറുതെ മുറ്റത്തിറങ്ങി നിൽക്കുമ്പോഴാണ് ലാലു അങ്ങോട്ട് വന്നത് .
” ഡോ , താൻ ഇത് എന്താ ആലോചിച്ചുകൊണ്ട് നിൽക്കുവാ ? ഇനി എനിക്കിട്ടു അടുത്തത് എന്ത് പണിതരുമെന്ന് ആലോചിക്കുവണോ ”
അവൻ ചിരിച്ചുകൊണ്ട് എന്നോട് ചോദിച്ചു . ഞാൻ ഒരു ചെറുപുഞ്ചിരി മാത്രം മറുപടി നൽകി . എന്നിട്ട് അവിടെ നിന്നും മെല്ലെ സ്കിപ്പ് ആവാൻ നോക്കി .
” ഡോ താനിത് എവിടെ പോവാടോ , ഞാൻ അത്രയ്ക്ക് വലിയ ബോറിങ് ആണ് ”
” ഏയ് അതൊന്നുമല്ല ”
” എന്നാപിന്നെ എന്താടോ പോവല്ലേ , എന്തെങ്കിലുമൊക്കെ സംസാരിച്ചിരിക്കാം ”
” അതെ പിന്നെ ഒരു കാര്യം എൻറെ പേര് ശ്രുതി എന്നാണ് അല്ലാതെ എടോ പോടോ എന്നൊന്നുമല്ല . അതുകൊണ്ട് തനിക്ക് എന്നെ ശ്രുതി എന്നു വിളിക്കാം ”
” ഓ ആയിക്കോട്ടെ , ശ്രുതി താൻ ഈ നാട്ടിൽ വന്നിട്ട് ഇവിടെയൊക്കെ ഒന്നു കറങ്ങി നടന്നു കണ്ടോ ? ”
” ഇല്ല , സമയമുണ്ടല്ലോ കാണണം ”
” ha കാണാം , താൻ എന്റെ കൂടെ ടൗണിൽ പോരുന്നോ ”
” എന്ത് ??????? ”
” താൻ എൻറെ കൂടെ ടൗണിൽ പോരുന്നോ , മാമന് കൃഷിസ്ഥലത്തേക്ക് വേണ്ട കുറച്ച് സാധനങ്ങൾ വാങ്ങാൻ ഉണ്ട് . അപ്പോൾ എനിക്ക് സാധനങ്ങൾ വാങ്ങുകയും ചെയ്യാം നിനക്ക് ടൗണ് ഒന്ന് കാണുകയും ചെയ്യാം . നീ വരുന്നുണ്ടോ എന്നാണ് ചോദിച്ചത് ? ”
അപ്പോൾ ചെറിയച്ഛൻ അങ്ങോട്ട് വന്നു .
” ആ അതൊരു നല്ല കാര്യമാണ് , മോൾ ഇവിടെ വന്നിട്ട് പുറത്തൊന്നും പോയിട്ടില്ലല്ലോ . എന്നാൽ മോൾ വേഗം പോയി മാറ്റിക്കോ , ലാലുവിന്റെ കൂടെ ടൗണിൽ പോയി വന്നോളൂ . ലാലു നീ മോളെ ഒന്ന് ശ്രദ്ധിക്കണേ , അവൾക്ക് ഇവിടത്തെ സ്ഥലമൊന്നും അറിയാത്തതാണ് ”
” ഞാൻ ശ്രദ്ധിച്ചോളാം മാമ , ”
തിരിച്ചൊരു മറുപടിയും പറയാതെ ഞാൻ പോയി മാറ്റി വന്നു . എന്നിട്ട് ലാലുവിന്റെ കൂടെ സാധനങ്ങളൊക്കെ കയറ്റിവച്ച വണ്ടിയിൽ കയറി . ഞാൻ മുൻ സീറ്റിൽ പോയിരുന്നു . വണ്ടിയോടിച്ചത് ലാലു ആയിരുന്നു . അവൻ എന്നോട് എന്തൊക്കെയോ പറഞ്ഞു കൊണ്ടിരുന്നു . ഞാനും അതിനൊക്കെ എന്തൊക്കെയോ മറുപടിയും കൊടുത്തു കൊണ്ടിരുന്നു .
കുറച്ചു നേരത്തെ യാത്രയ്ക്ക് ശേഷം ഞങ്ങൾ ടൗണിലെത്തി . ആദ്യം ഞങ്ങൾ വളരെ തിരക്കേറിയ ഒരു മാർക്കറ്റിലേക്ക് ആണ് പോയത് . അവിടെനിന്നു കുറെ പച്ചക്കറികളും പഴങ്ങളും വാങ്ങി . പിന്നെ കൃഷിഭവനിൽ പോയി , ചെറിയച്ഛന് കൃഷിക്കാവശ്യമായ കുറച്ചു വിത്തും മറ്റ് സാധനങ്ങളും വാങ്ങി .
ചന്തയിൽ കറങ്ങി നടന്ന് ഉച്ചയായപ്പോൾ എനിക്ക് വല്ലാതെ വിശക്കാൻ തുടങ്ങി . വിശക്കാൻ തുടങ്ങിയ പിന്നെ എനിക്ക് കണ്ണുകാണില്ല . ലാലുവിനും നന്നായി വിശക്കുന്നുണ്ട് എന്നെനിക്ക് മനസ്സിലായി . അപ്പോഴാണ് അവൻ എന്നോട് ചോദിച്ചത് :
” നിനക്ക് വിശക്കുന്നില്ലേ ? വാ നമുക്ക് എന്തെങ്കിലും കഴിക്കാം ”
കേട്ടപാതി കേൾക്കാത്തപാതി ഞാൻ ഭക്ഷണം കഴിക്കാൻ അവൻറെ പുറകെ പോയി . നല്ലവണ്ണം ഹോട്ടൽ ഒക്കെ ടൗണിൽ ഉണ്ടായിട്ടും അവൻ അവിടേക്ക് ഒന്നും പോവാതെ എന്നെയും കൊണ്ട് ഒരു തട്ടുകടയിൽ പോയി .
ആദ്യമൊക്കെ ഞാൻ ഒന്ന് മടിച്ചു നിന്നെങ്കിലും , അവൻ കൂളായി അതിനുള്ളിൽ പോയിരിക്കുന്നത് കണ്ടപ്പോൾ ഞാനും കൂടെ പോയി . അവിടെ ഉള്ളവർ വളരെ സാധാരണക്കാർ മനുഷ്യരാണ് . കൂടുതൽ പേരും ഞങ്ങളെ തന്നെ നോക്കി നിൽക്കുകയായിരുന്നു .
” എന്താ ചേട്ടാ കഴിക്കാനുള്ളത് ? ”
” ആരിത് , ജിത്തുവോ , ഊൺ തയ്യാറായിട്ടുണ്ട് . ”
” ആ എന്ന രണ്ട് ഊണ് എടുത്തോളൂ . ”
” അല്ല , ആരാ ജിത്തുവേ നിൻറെ കൂടെയുള്ള കുട്ടി ”
” ആ ഇതോ ഇവൾ എൻറെ അമ്മാവൻറെ മോളാ ”
അതുകേട്ടപ്പോൾ ഞാൻ അവനെ ഒന്ന് ഞെട്ടി തരിച്ചു നോക്കി . അപ്പോൾ അവൻ എന്നെ നോക്കി ഒന്ന് കണ്ണിറുക്കി ചിരിച്ചു . ഞാൻ പിന്നെ അവൻ പറഞ്ഞത് തിരുത്താൻ പോയില്ല . കൈകഴുകി ഞങ്ങൾ കഴിക്കാനിരുന്നു .
നല്ല ചൂട് ചോറും സാമ്പാറും രസവും പപ്പടവും ചമ്മന്തിയും മാങ്ങാ അച്ചാറും മീൻ വറുത്തതും എല്ലാം കൂടെ ഒരു പിടി അങ്ങു പിടിച്ചു . വിശന്നിരിക്കുക ആയതുകൊണ്ട് വളരെ പെട്ടെന്ന് തന്നെ തിന്നുതീർത്തു .
കൈ കഴുകി ഞങ്ങൾ വീണ്ടും കറങ്ങാൻ തുടങ്ങി . അപ്പോഴാണ് ടൗണിലെ തെരുവിൽ വോൾസൈൽ ഷോപ്പുകൾ കണ്ടത് . വീട്ടിലുള്ള എല്ലാവർക്കും കുറച്ചു ഡ്രസ്സ് എടുത്തു . എനിക്കും പിന്നെ ലാലുവിനും എൻറെ വക എടുത്തു കൊടുത്തു .
കറക്കവും ചുറ്റിത്തിരിയലും ഒക്കെ കഴിഞ്ഞു സന്ധ്യയായപ്പോൾ ആണ് ഞങ്ങൾ വീട്ടിലേക്ക് തിരിച്ചത് . ടൗണിൽ ആണെങ്കിൽ നല്ല ട്രാഫിക് ഉണ്ടായിരുന്നു . വണ്ടി ട്രാഫിക് ബ്ലോക്കിൽ നിൽക്കുമ്പോഴാണ് റോഡിനപ്പുറത്ത് നിർത്തിയിട്ട വാഹനത്തിൽ എൻറെ കണ്ണ് എത്തിയത് .
ഞാൻ കുറച്ചു നേരം ആ വാഹനത്തിന്റെ ഉള്ളിലേക്ക് തന്നെ നോക്കി നിന്നു . വളരെയധികം പരിചിതമായ മുഖമായിരുന്നു ഞാൻ അവിടെ കണ്ടത് . കണ്ണെടുക്കാതെ ഉള്ള എൻറെ നോട്ടം കാരണം ആ വണ്ടിക്കുള്ളിൽ നിന്നും ഞാൻ നോക്കിനിന്ന ആളും എന്നെ തിരിച്ചു നോക്കാൻ തുടങ്ങി . അൽപനേരം ഞങ്ങളുടെ ഇരുവരുടെയും കണ്ണുകൾ തമ്മിൽ ഉടക്കി നിന്നു .
അപ്പോഴായിരുന്നു ട്രാഫിക് ലൈറ്റ് തെളിഞ്ഞത് . ഞങ്ങൾക്കു മുന്നിൽ നിർത്തിയിട്ടിരുന്ന വാഹനങ്ങളെല്ലാം നീങ്ങാൻ തുടങ്ങി . അപ്പോൾ ഞങ്ങൾ എഴുന്ന വണ്ടിയും മുന്നോട്ടു ചലിക്കാൻ തുടങ്ങി . ആ വാഹനത്തിലുള്ള ആള് ഞങ്ങളുടെ വണ്ടിക്ക് പുറകെ വരാൻ ശ്രമിച്ചെങ്കിലും . ട്രാഫിക് സിഗ്നലിൽ ബ്ലോക്ക് ആയിപ്പോയി .
ഞങ്ങളുടെ വാഹനം ദൂരേക്ക് മറഞ്ഞകലുന്നത് നോക്കി ആ വാഹനത്തിൽ ഉള്ളിലെ മിഴികൾ ഞങ്ങളെ തന്നെ നോക്കി നിന്നു …………………………
( തുടരും ) ……………………
Read complete ശ്രുതി Malayalam online novel here
Related posts:
About Author
Unlock Your Imagination: Start Generating Stories Now! Generate Stories
Get all the Latest Online Malayalam Novels, Stories, Poems and Book Reviews at Aksharathalukal. You can also read all the Latest Stories in Malayalam by following us on Twitter and Facebook
പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം
Hey, I'm loving Kuku FM app 😍
You should definitely try it. Use my code LPLDM59 and get 60% off on premium membership! Listen to unlimited audiobooks and stories.
Download now
©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission